Հունիսի ութին էքսպեդիցիոն արշավ եղավ դեպի Արագածոտնի մարզիՀին Նիգատուն գյուղի ամրոց «Ղալաչա», այն բանից հետո, երբ ուսումնասիրում էինք Արագածոտնի մարզի պատմական, բնական հուշարձանները: Նիգատուն գյուղը Արտաշավան գյուղից 3,5 կմ հյուսիս-արևմուտքում է, Նիգատուն գետի վերնագավառում: «Գյուղի արևմտյան մասում է գտնվում մ.թ.ա. 2-րդ հազարամյակի «Նիգատուն» ամրոցը: Ամրոցը մ.թ.ա 2-րդ հզ է վերագրվում» (այլ անվանումով ամրոցը կոչվում է նաև Ղալաչա՝ Նիգատուն գյուղի մեկ ուրիշ անունով) . այս մեկ տող ինֆորմացիայի հիման վրա կայացավ այցը: Ամրոցից մնացել է պահպանված մեկ պատ, ուշադիր նայելու դեպքում նկատվում են հսկայական կառույցի հիմքերը: «Նիգատուն» ամրոցը բանալի է հաջորդ բերդ- ամրոցը գտնելու- տեսնելու...
Այցելեցինք նաև Արագածոտնի մարզի Ուշի գյուղի Սուրբ Սարգիս վանք՝ կառուցումը սկսվել է 7-րդ դարում, եղել է հոգևոր կրթության կարևորագույն կենտրոններից մեկը: Կիսաքանդ վիճակում է:
